Alpina şirkəti Cenevrə avtosalonuna B3 Bi Turbo və B4 Bi-Turbo modellərinin xüsusi versiyalarını gətirəcək. Onların hər ikisinin adlarına S əlavə olunub. Alpina-nın mühəndisləri turbo yükləyicini təkmilləşdirib, firmanın mühərrikin idarə olunmasını təmin edən proqram təminatı dəyişiblər.

Mercedes-Benz kupe GT bazasında olan sedanının prototipini təqdim edib. Avtomobilin konsepti Mercedes-AMG brendi altında buraxılıb və martın 7-də Cenevrə avtosalonunda təqdim edilib. Mercedes-AMG GT4 adlı yeniliyin əsas rəqibi Porsche Panamera Turbo olacaq.

ABT tüninq-atelyesi Audi R8 V10 plus üçün növbəti təkmilləşdirmə paketi hazırlayıb. Bunun sayəsində model daha güclü və yüngül alınıb. Yenilik ilk dəfə Cenevrə avtosalonunda təqdim ediləcək.

Infiniti şirkəti Cenevrə avtosalonuna konsept Q60 Black S kupe gətirəcək. Kupenin güc qurğusu Renault F1 yürüş komandasının mühəndisləri ilə birgə hazırlanıb. Onun gücü barədə məlumat verilmir, lakin şayiələrə görə 500 a.g.-ü ötür.

Mercedes-Benz şirkəti yeni kabriolet E-Class təqdim edib. Avtomobil martın 7-də Cenevrə avtosalonunda debüt edəcək. Yenilik diodlu optika və yumşaq yığılan dam alıb.

Porsche şirkəti universal banında olan Panamera-nın sirrini açıb. Sport Turismo adlanan avtomobilin rəsmi təqdimatı martın 7-də Cenevrə avtosalonunda keçiriləcək. Yenilik 5 versiyada təklif ediləcək: Panamera 4 (330 a.g.), Panamera 4S (440 a.g.), Panamera 4S Diesel (422 a.g.), Panamera 4 E-Hybrid (ümumi gücü 462 a.g.) və Panamera Turbo (550 a.g.).

Rolls-Royce şirkəti uşaqlar üçün elektrokar hazırlayıb. Bu, məxsusi olaraq Böyük Britaniyanın Çiçester şəhərindəki müqəddəs Riçard xəstəxanasının pediatriya bölməsi üçün istehsal edilib. Uşaqlar bu kiçik avtomobildə xüsusi dəhlizlərdən keçməklə əməliyyat otağına gedə biləcəklər. Bu dəhlizlərdə işıqforlar da quraşdırılıacaq. Müəssisədə hesab edirlər ki, bu, uşaqların əməliyyatdan əvvəl stressə düşməsinin qarşısını alacaq.

Peugeot şirkəti Barselonada yeni konsept Instinct təqdim edib. O, hibrid güc qurğusu, bir-birinə əks istiqamətdə açılan qapılar və tam avtomat idarəetmə funksiyası alıb.

Almaniyanın Fostla atelyesinin mütəxəssisləri belə qərara gəldilər ki, Mercedes-AMG S63 Coupe-nin məhsuldarlığı kifayət qədər deyil və ikiqapılı üçün öz variantlarını təklif ediblər. PP-Performance-ın çip tüninqinin köməyi ilə tünerlər 5,5-litrlik biturbo səkkizliyin gücünü 585 a.g. və 900 Nm-dən 740 a.g. və 1200 Nm fırlanma anına qədər artırıblar.

Chevrolet şirkəti çox aqressiv variantda Camaro təqdim edib. ZL1 modifikasiyasının bazasında yığılan avtomobil 1LE adlı idman paketi alıb. General Motors konserninin Afrikanın Milford şəhərindəki trekində bu yenilik 4,7 km dairəvi yolu öz donorundan 3 saniyə tez qət edib.

Məşhur atelye avtosalonda möhtəşəm kabriolet Mercedes-AMG S 63 üçün yeni tüninq-proqram təqdim edəcək. Təkmilləşdirilmiş modelin adı Brabus 850 6.0 Biturbo Cabrio-dur.

Range Rover ailəsinin dördüncü nümayəndəsi orta ölçülü krossover Velar olacaq. O, Cenevrə avtosalonu-2017-də təqdim ediləcək. Britaniya avtomobil istehsalçısının model sırasında o, Range Rover Evoque və Range Rover Sport modelləri arasında qərarlaşacaq.

Gembala atelyesi Porsche 911 üçün (restaylinq olunan 991 modeli) təkmilləşdirmə proqramı - Avalanche barədə elan verib. O, mart ayında Cenevrədə keçiriləcək motorşouda təqdim ediləcək. təkmilləşdirmə siyahısına sportkarın gücünün 820 a.g.-dək artırılmasıdır.

Italdesign atelyesi öz brendinin ilk modelini təqdim edib. Atelye kiçik seriyalı eksklüziv avtomobillərin - Italdesign Automobili Speciali - buraxılışı ilə məşğul olacaq. Bu, orta mühərrikli, V10 adlı ikiqapılı superkar 610 a.g.-ə malik olacaq. Şirkət bu avtomobildən cəmi 5 ədəd istehsal edəcək.

SsangYong Koreya şirkəti Cenevrə avtosalonunu gozləmədi və yeni konseptual krossoverin ilk şəkillərini göstərdi. Bu krossoverin təqdimat mərasimi martın əvvəlində keçiriləcək.