Kia şirkəti Nyu-York avtosalonunda Amerika bazarı üçün yeni nəsil Rio təqdim edib. Yenilik müştərilərə sedan və hetçbek banlarında təklif ediləcək. avtomobil radiator barmaqlığı, yeni optika və dəyişilmiş bamperlər alıb. Banın ölçüləri və təkər bazası hər iki versiyada böyüyüb, qabaq dayaqlar isə vertikal yerləşdirilib.

Genesis şirkəti Nyu-York avtosalonunda ilk konseptual krossoverini təqdim edib. Avtomobil GV80 adlanır. Çox güman ki, prototip gələcəkdə seriyalı versiya almayacaq, lakin yenilik üzərində mövcud olan bir sıra həllər gələcəkdə brendin avtomobillərində tətbiq olunacaq.

Almaniyanın Lumma Design atelyesi yeni yolsuzluq avtomobili Range Rover Velar üçün ilk təkmilləşdirmə proqramını təqdim edib. Hələlik şirkət yalnız banın dizaynını hazırlayıb. Onun elementlərinin əksəriyyəti karbondan hazırlanacaq.

Lincoln şirkəti yolsuzluq avtomobili Navigator-un yeni nəslini təqdim edib. Xarici görünüş cəhətdən demək olar ki, tamamilə konsept-karı təkrarlayan modelin dünya debütü Nyu-York motorşousunda keçiriləcək.

Lexus şirkəti yeni nəsil LS modelinin yeni variantını - LS 500 F Sport təqdim edib. Flaqman sedanının eksteryerini, salonunu dəyişiblər və təchizat siyahısını genişləndiriblər.

Aston Martin şirkəti Vanquish S-in xüsusi modifikasiyasını təqdim edib. Bu versiya markanın Kembricdəki diler mərkəzində sifariş edilib. Bu avtomobildən cəmi 10 ədəd olacaq.

Infiniti şirkəti QX80 Monograph adlı konseptinin ilk şəkillərini dərc edib. Yenilik Nyu-York avtosalonunda debüt edəcək. Böyük krossover gələcəkdə seriyalı versiya alacaq.

Jeep şirkəti yolsuzluq avtomobili Grand Cherokee-nin güclü modifikasiyasını təqdim edib. O, Trackhawk adlandırılıb. Avtomobil istehsalçısı yeniliyi dünyada seriyalı yolsuzluq avtomobilləri arasında ən güclü və cəld adlandırır.

Chevrolet şirkəti yolsuzluq avtomobili Tahoe-nin yeni xüsusi versiyasını təqdim edib. O, RST (Rally Sport Truck) adlanır. Amerikan avtomobil istehsalatçısı bildirib ki, istehsalat zamanı mütəxəssislər tüninqdən ilhamlanıblar.

Opel şirkəti universal Insignia-nın son nəslinin yolsuzluq versiyasını təqdim edib. O, Country Tourer adlanır. Modelin ilk debütü Frankfurt avtosalonunda payızda keçiriləcək.

Mercedes-Benz şirkəti krossoverlər GLC və GLC Coupe üçün təkmilləşdirilmiş AMG versiyaları təqdim edib. Avtomobillər müvafiq olaraq Mercedes-AMG GLC 63 və Mercedes-AMG GLC 63 Coupe adlanır. Modellər 4-litrlik turbo V8 mühərrikləri ilə təchiz ediliblər. Bu aqreqat AMG GT superkarında istifadə edilib.

Novitec tüninq atelyesinin mütəxəssisləri Maserati Levante üçün təkmilləşdirmə proqramı təqdim ediblər. Proqrama həm güc aqreqatlarının təkmilləşdirilməsi, həm də krossoverin eksteryerinin dizaynının yaxşılaşdırılması daxildir.

Cenevrə avtosalonunda ikinci nəsil krossover Volvo XC60 debüt edib. Bu model şirkət üçün çox əhəmiyyətlidir. Məhz bu model Avropada daha çox satılır. Buna görə də dizaynerlər dəyişikliklərə çox ehtiyatla yanaşıblar.

Kanadada 2 hektarlıq ərazi satışa çıxarılıb. Bu ərazi köhnə avtomobillərin qəbiristanlığı kimi istifadə olunur. Bu daşınmaz əmlakı alan şəxs, həmçinin 340 avtomobilə sahib olacaq. Elan daşınmaz əmlakın alqı-satqısı ilə məşğul olan Century 21-in saytında yerləşdirilib.

Cenevrə avtosalonunda yeni kupe şəkilli sedan Volkswagen Arteon təqdim edilib. O, istehsalatdan çıxarılmış Passat CC-nin yerinə gəlib. İstehsalçı yeni modeli premial kimi qələmə verir. Buna görə də adını tamamilə dəyişməli olublar.