Infiniti-nin ilk dəfə 2017-ci ildə Cenevrədə təqdim etdiyi Project Black S modeli artıq işlək vəziyyətə gətirilib. Project Black S şirkətin mühəndisləri və Renault Sport Formula One komandası tərəfindən birgə hazırlanıb. Əsas yenilik ikili hibrid qurğusu texnologiyasının quraşdırılmasıdır ki, bu, seriyalı modellərdə istifadə edilə bilər.

Alman şirkəti Vision EQ Silver Arrow retro futuristik layihəsi barədə elan verib. Eksperimental spidster, əlbəttə ki, seriyalı olmayacaq, lakin gələcəkdə elektrik mühərrikli Mercedes-lərə işarə verir.

Skoda şirkəti idman krossoveri Kodiaq RS-in təqdimatını keçirib. Dünyada ən sürətli 7-yerli yolsuzluq avtomobili kimi təqdim edilən (bunun üçün Skoda Nyurburqrinqdə test keçirib) Kodiaq RS 2-litrlik, iki turbo yükləyicisi olan dizel mühərrik alıb.

Yaponiyanın Infiniti şirkəti Pebbl-Biçdə Prototype 10 konseptini təqdim etdi. Sportkar təkcə mühəndislərin və stilistlərin işlərini deyil, brendin gələcəklə bağlı strategiyasını da nümayiş etdirir.

Yaponiyanın Toyota şirkəti 12-ci nəsil sedan Corolla-nın təqdimatını keçirib. Corolla-nın yeni nəslinin hetçbək və universal banlarında təqdimatlarından sonra şirkət, nəhayət, Quancoudakı beynəlxalq avtosalonda sedanı da təqdim etdi.

Yaponiyanın Mitsubishi şirkəti təkmilləşdirilmiş pikap L200-ün bütün xarakteristikasının sirrini açdı. Mitsubishi 2019-cu model ilinə məxsus pikap L200-ün yeni xarici görünüşünü, təkmilləşdirilmiş tam ötürücü, geniş spektrli təhlükəsizlik və sürücüyə yardım sistemlərini təqdim edib.

Ferrari şirkəti Pebbl-Biçdə keçirilən festivalda kabriolet banında Pista-nı təqdim edib. Kupe 488 Pista kimi, Spider də 3,9-litrlik, ikili turbo yükləyicisi olan, 711 a.g. və 770 Nm fırlanma anı verən V8 ilə təchiz edilir.

Yeni Mercedes-Benz GLE rəsmi şəkildə təqdim edildi. Şirkətdən bildiriblər ki, yeni nəsil yolsuzluq avtomobilinin dizaynı emosiyalarla intellektin harmoniyasına əsaslanır və gözəlliyi, yüksək texnologiyalar kombinasiyasını, istehsalçının ustalığını təcəssüm etdirir.

Audi şirkəti kupe və rodster banlarında yeni nəsil idman kupesi R8-in onlayn təqdimatını keçirib. 2019-cu model ilinə məxsus Audi R8 bir sıra dizayn yenilikləri alıb. O, əvvəlki versiyalardan üç kəsiyi olan daha enli radiator barmaqlığı, yeni bamperlər, qabaq optika ilə seçilir. Bununla yanaşı, R8 Ur-quattro alıb ki, onun sayəsində daha aqressiv görünür. Avtomobilin rəng qammasına iki yeni çalar əlavə edilib - Kemora Grey və Ascari Blue.

Yeni McLaren özündə Ultimate Series brendinin növbəti səhifəsidir və 1036 a.g. verən yeni hibrid mühərrik sayəsində rekord həddə maksimal sürətə malikdir - 403 km/saat.

BMW şirkəti G20 banında yeni nəsil 3 Series təqdim edib. O, F30-u əvəzləyəcək. BMW-nin F30 banında olan bundan əvvəlki 3-cü seriyası öz seqmentində ən çox satılan idi. Şirkətdən bildiriblər ki, G20 təkcə F30-un uğurunu təkrarlamayacaq, həmçinin daha yaxşı drayver avtomobili olacaq.

Bir neçə ay davam edən sınaqlardan sonra Audi axır ki, Paris avtosalonunda kompakt krossover SQ2-ni təqdim etdi. Bildirilir ki, SQ2 modeli də S3 ilə eyni güc qurğusu alacaq – 2-litrlik, 4-silindrli, 296 a.g. və 400 Nm fırlanma anı verən benzin mühərrik. O, 7-pilləli avtomat sürət qutusu və Quattro AWD tam ötürücü sistemlə birgə çalışacaq.

Lamborghini Urus modeli aqressiv dizaynı və məhsuldarlıq göstəricilərinə görə ən möhtəşəm və ekzotik yolsuzluq avtomobillərindən biridir. Porsche Cayenne və ya BMW X6 M modellərindən fərqli olaraq, Urus Lamborghini-nin dizayn fəlsəfəsinə sadiq qalır (xüsusilə, korpus üçün 2/3, pəncərə üçün 1/3 formulu). Bu formul Aventador və Huracan modellərinin istehsalında hazırlanıb.

Audi şirkəti dünyanın müxtəlif ban yürüşlərində iştirak etmək üçün 2015-ci ildə hazırladığı superkar R8 LMS-in təkmilləşdirilmiş versiyasını təqdim edib. Yeni model bir sıra aerodinamik yeniliklər alıb ki, onlar sıxma gücünün artırılmasına, qarşı müqavimətin azaldılmasına, habelə əyləc sisteminin daha yaxşı soyudulmasına yönəlib.

Bugatti şirkətinin model sıralaması ikiqat böyüyüb: şirkət Divo adlı hiperkarın sirrini açdı. O, Chiron-dan daha müasir və dinamikdir. Düzdür, Bugatti-nin iki hiperkarını eyni vaxtda istehsal etmək uzun çəkə bilməz.