Cadillac CT5 köhnə ATS və CTS modellərini əvəz etməlidir. Onun kompakt sedan olmasına baxmayaraq, orta ölçülüdür və BMW 5-Series, Audi A6 və Mercedes E-Class kimi Avropa modelləri ilə rəqabət apara bilər.
Ötən il Renault ilk dəfə Paris avtosalonunda City K-ZE modelinin konseptini təqdim etmişdi. İndi isə modelin məhsuldarlığının detallarını açıqlamaq vaxtı gəlib çatıb.
İstəyirsiz inanın, istəyirsiniz yox, lakin qarşınızda həqiqətən yenilənmiş Mini Clubman 2020 dayanıb. Onun üslubunda bir qədər dəyişiklik edilib. Çox güman ki, Mini elektrikli gələcəyə hazırlaşır, ona görə də cari modellərində dərin dəyişikliklər həyata keçirir.
Audi şirkəti birdəfəyə üç yeni gücləndirilmiş modelini təqdim etdi - S6, S6 Avant və S7 Sportback. Beləliklə, avropalı müştərilər 3-litrlik, elektrikləşdirilmiş dizel V6 TDI mühərriki sifariş edə biləcəklər. O, 344 a.g. və 700 Nm fırlanma anına malikdir. Güc qurğusu 8-pilləli avtomat sürət qutusu və tam ötürücü ilə birgə çalışır.
Volkswagen şirkəti Şanxay avtoşousu ərəfəsində keçirilən xüsusi tədbirdə yeni konsept ID Roomzz təqdim edib. Volkswagen-in elektrik sıralamasının sonuncu nümayəndəsi olan ID Roomzz modeli konseptdir və markanın gələcək 3 sıralı yolsuzluq avtomobilini nümayiş etdirir ki, o, 2021-ci ildə bazara çıxarılacaq.
Krossover Toyota Highlander-in dördüncü nəsli bu yaxınlarda Nyu York avtosalonunda təqdim ediləcək. Bu hadisəni istehsalçılar qeyri-adi tizerlə elan ediblər. Toyota-nın sifarişi ilə amerikan rəssam Maykl Mörfi yarpaqlardan asılmış 200 elementdən ibarət art-obyekt hazırlayıb. Müəyyən baxış bucağından onlar avtomobil kimi görünürlər – bu, gələcək nəsil Highlander-dir.
Mercedes-AMG yeni idman sedanı A 35-i təqdim etdikdən, demək olar, iki həftə sonra almanlar avtomobil dünyasına daha bir kompakt şedevr bəxş etdilər. CLA 35 sedan banında olan mühafizəkar qardaşına bənzəyir – o, 2-litrlik, 4-silindrli, turbo yükləyicili mühərriklə təchiz edilib (302 a.g., 400 Nm fırlanma anı).
Krossover Volkswagen T-Roc R-in Cenevrə avtosalonunda təqdim edilməsi ərəfəsində şirkət modelin onlayn təqdimatını keçirib. VW T-Roc R-un mühərriki Golf R-də olduğu kimidir – 296 a.g. və 400 Nm fırlanma anı verən 2-litrlik, 4-silindrli turbolaşdırılmış benzin mühərrik. O, 7-pilləli, iki muftalı avtomat sürət qutusu, artıq baza komplektasiyada tam ötürücü sistemlə birgə çalışır.
Polestar şirkəti ikinci tam elektrikli kompakt fastbək brendinin buraxılışı barədə rəsmi elan verdi. Görünür, dünyada Tesla-nın ilk əsl rəqibi nəhayət seriyalı istehsala hazırdır.
Peugeot şirkəti Cenevrə avtosalonu ərəfəsində yeni nəsil kompakt hetçbək 208-in sirlərini açdı. Xarici görünüş avtomobilsevərlər üçün yenilik olmadı, belə ki, modelin şəkilləri yüksək keyfiyyətdə də olmasa, artıq internetə sızmışdı. Lakin biz artıq Peugeot 208-i dəyərləndirə və onun texniki göstəriciləri barədə danışa bilərik.
Çexiyanın Skoda şirkəti Cenevrə avtosalonu ərəfəsində Avropa bazarı üçün nəzərdə tutulan kompakt krossover Kamiq-in onlayn təqdimatını keçirib. Heç kimə sirr deyil ki, Skoda yeni kompakt krossover üzərində Nissan Juke, Renault Captur və Hyundai Kona-ya meydan oxumaq üçün işləyirdi. Çex avtomobil istehsalçısı bir neçə tizer buraxdıqdan sonra modelin bütün detallarının sirrini açmaq vaxtı gəlib çatdı.
BMW şirkəti yolsuzluq avtomobilləri X3 və X4-ün M idman versiyalarının onlayn təqdimatını keçirib. Bu krossoveri adi X3 və X4-dən fərqləndirmək üçün M-versiyalara qara radiator barmaqlığı quraşdırılıb, avtomobillərin qabaq hissələri daha aqressiv olub, hava çıxıntıları daha da böyüdülüb, həmçinin güzgülərin qapaqları daha aerodinamikdır, arxada isə unikal diffuzor var.
Land Rover şirkəti Range Rover Sport HST-ni təqdim edib. O, yumşaq hybrid güc qurğusu almış ilk seriyalı Jaguar Land Rover avtomobilidir. Yolsuzluq avtomobili 3-litrlik, 6-silindrli, 395 a.g. və 550 Nm fırlanma anı verən tam yeni benzin mühərrik alıb. O, V6-nı əvəz edib. Əsas fərqləndirici cəhəti isə ikili turbo yükləyici və xüsusi elektrik super yükləyicidir.
Audi TT seriyasının təkmilləşdirilməsini davam etdirib və adi versiyalardan sonra kupe və rodster banında olan güclü RS də feysliftinqə məruz qalıb. RS qabaq hissəsi dəyişilib. Burada daha böyük yan hava çıxıntıları, yeni diodlu faralar, opsiya qismində isə dönə bilən xüsusi tutqun faralar mövcuddur.
Koreyanın avtomobil istehsalçısı Kia məşhur krossoveri olan Sportage-i yeniləmək qərarına gəlib və onu Çikaqo avtosalonunda nümayiş etdirib. Kompakt krossover artıq yeni qabaq və arxa bamperlərə, diodlu dönmə indikatorları olan yeni faralara, duman əleyhinə faralara, arxa fənərlərə və yeni dizaynda təkər disklərinə malikdir.
