Lotus şirkəti 11 ildən sonra ilk yeniliyinin sirrini açdı. Lotus Evija Britaniya markasının tarixində təkcə ilk güclü sportkar deyil, həm də tam elektrikli avtomobildir. Bundan əlavə, şirkət Evija-nı dünyada ümumi istifadə üçün nəzərdə tutulan yol üçün istehsal edilmiş ən güclü seriyalı avtomobil adlandırır. Kupe 4 elektrik mühərriki ilə təchiz edilib. Hər təkər üçün bir mühərrik. Onlar ümumilikdə 2000 a.g. və 1700 Nm fırlanma anı verir. Dəqiq dinamik xarakteristika barədə hələlik məlumat verilmir: hiperkar hələ ki, tam testdən çıxmayıb.

Audi şirkəti 2020-ci model ilinə məxsus idman sedanı S8-i təqdim edib. O, iki il əvvəl təkmilləşdirilmiş A8 ailəsinin ən üstün variantı olub. Yeniliyin kapotu altında 4-litrlik, iki turbo yükləyicili, 563 a.g. və 800 Nm fırlanma anına malik V8 dayanır. Mühərrikin gücünün və effektivliyinin artırılmasına 48-voltluq yumşaq hibrid tenologiyası sayəsində nail olunub. Bu sistemə Start/Stop funksiyası da daxildir.

BMW bir qədər əvvəl 6 Series Gran Coupe-ni təqdim etmişdi, indi isə 8 Series üçün analoji banla model sıralamasını genişləndirmək qərarına gəlib - yenilik tanınan qabaq hissə, enli radiator baramqlığı və lazer optikası olan adaptiv faralar alıb.

Audi şirkəti özünün flaqman yolsuzluq avtomobili Q7-nin üzərində kifayət qədər geniş feysliftinq həyata keçirib və 2020-ci model ilinə aid avtomobil artıq sentyabrın ortalarından seriyalı istehsala daxil olmalıdır.

Porsche 2020-ci model ilinə aid yeni 718 Boxster Spyder və 718 Cayman GT4-ü təqdim edib. Avtomobillər 718 model sırasında üstün yer tutmaq üçün hazırlanıblar. Onlar 420 a.g. və 420 Nm fırlanma anına malik, 4-litrlik, 6-silindrli atmosferli mühərrik alıblar.

1990-cı illərin sonlarında Ford Puma Avropada ikiqapılı kupe formasında istehsal edilirdi. İndi isə Puma Avropa bazarlarına gözəl dizaynı olan subkompakt krossover kimi daxil olur. Yeni Puma-da ilk valehedici xüsusiyyət onun çox kiçik ölçülərə malik olmasıdır. Düzdür, Ford hələlik ölçülər barədə dəqiq rəqəmlər deməyib, lakin gözlə göründüyü kimi, yenilik bazasında yığıldığı Fiesta-dan bir qədər böyükdür.

Lexus şirkəti yolsuzluq avtomobili GX-i təkmilləşdirmək qərarına gəlib. Bu model sonuncu dəfə 2014-cü ildə yenilənmişdi. Yeniliyin üslubu bir qədər dəyişilib – böyük radiator barmaqlığının ölçüsü əvvəlki kimi qalıb, lakin fərqli dizaynda. Onun ətrafında isə yeni diodlu qabaq faralar var.

Hetçbək Ceed, universal Sportswagon və möhtəşəm ProCeed-dən sonra XCeed kompakt avtomobillər ailəsində yeni krossoverdir. Kia tərəfindən məhz Avropa üçün istehsal edilmiş krossover XCeed model sıralamasında Stonic-dən öndə gedir, Sportage-dən isə sonra gəlir. Sonuncudan fərqli olaraq, o, tam ötürücülü deyil.

Audi SQ8 xarici görünüşündə adi versiyaya məxsus dizayn alıb, lakin xüsusi qazburaxma boruları, təkmilləşdirilmiş hava çıxıntıları və 22-düymlük təkər diskləri də daxil olmaqla, S-versiya bir sıra asma detalları ilə təchiz edilib.

Vision M Next konsepti xüsusi BMW Welt sərgisində təqdim edilib. Burada alman avtomobil istehsalçısı dizaynda, avtonom idarəetmədə və elektrikləşdirmədə son texnoloji nailiyyətlərini nümayiş etdirir.

Renault şirkəti Qran-pri Fransa Formula 1 yarışından istifadə edərək kompakt hetçbək Clio - Cup, Rally və RX nümayiş etdirib. Modellərin hər biri müəyyən qədər fərqlənir, lakin onlar RS Line-a əsaslanıblar və idarəedilməyən Bos asılqanı, yüksək diferensial, modernləşdirilmiş soyutma sistemi ilə təchiz ediliblər.

Mercedes-Benz şirkəti 7-yerlik yeni yolsuzluq avtomobili GLB-ni rəsmən təqdim edib. Yenilik 2019-cu ilin sonlarında satışa çıxarılacaq. Adından da göründüyü kimi, tam yeni yolsuzluq avtomobili Mercedes-Benz GLB şirkətin GLA və GLC model sıralaması arasında yerləşəcək. Onun təkər bazası 2830 mm-dir. Beləliklə, yolsuzluq avtomobilinin 7-yerlik olmasına baxmayaraq, o kompakt avtomobildir.

Ultima şirkəti əl ilə yığılan hiperkarlarla məşhurdur. İndi isə o, sonuncu modeli olan RS-i bazara çıxarmağa hazırdır. Çox güman ki, Ultima RS Hudvudda keçiriləcək sürət festivalında təqdim ediləcək, müştərilər isə modeli idmandan hiperkaradək olan bir neçə konfiqurasıyada sifariş edə biləcəklər.

Kia şirkəti təkmilləşdirilmiş ikinci nəsil yeni sedan K7-nin tezliklə təqdim ediləcəyi barədə məlumat verib. O, həmçinin Şimali Amerikada Cadenza adı ilə satılır.

Çoxdan gözlənilən BMW M8 nəhayət ilk dəfə dünyaya təqdim edilib. Bavariyalılar sportkarı təkcə kupe formasında deyil, həmçinin kabriolet M8 Convertible və iki daha məhsuldar versiyada - M8 Coupe Competition və M8 Convertible Competition istehsal ediblər.