Aston Martin şirkəti hiperkar Valkyrie-nin seriyalarla istehsaldan əvvəlki versiyasının sirrini açıb. Autocar-ın məlumatına görə, hazırda avtomobil 95 % hazırdır. Mühəndislər yalnız hiperkarın aerodinamikası ilə bağlı bəzi xırdalıqları həll etməlidirlər.

Çinin Geely şirkətinə məxsus London Taxi Corporation şirkəti Londonda taksi kimi istifadə ediləcək yeni avtomobil təqdim edib. TX adlı yenilik ənənəvi kebləri əvəzləyəcək. Bu barədə Auto Express məlumat verib. Avtomobillər Koventri şəhərindəki zavodda yığılacaq.

Audi şirkəti yeni nəsil flaqman sedanı A8-i təqdim edib. Model tıxaclar üçün avtopilot sistemi, toqquşma zamanı və yol səthinin pis olduğu zaman təkərləri bir qədər qaldıran qeyri-adi asılqan, sürücüyə ehtiyac duymayan avtoparklama, arxa oturacaq sərnişinlər üçün massaj funksiyası və markanın bu ailəsindı heç birinə bənzəməyən interyer dizaynı alıb.

Porsche şirkəti tarixində ilk dəfə olaraq sportkar 911-in ən güclü və cəld variantını rəsmən təqdim edib – GT2 RS. Yeniliyin təqdimatı Britaniyanın Hudvud şəhərində sürət festivalında keçiriləcək.

Pikap Ford F-150 Raptor eksklüziv xüsusi versiya alıb. Amerikalılar bunu cəmi bir ədəd və Lockheed Martin F-22 Raptor təyyarəsinin şərəfinə istehsal ediblər.

Maserati şirkəti kupe GranTurismo və kabriolet GranCabrio-nu təkmilləşdirib. Avtomobillər müvafiq olaraq 2007-ci və 2009-cu illərdə debüt etmişdilər. Maserati GranTurismo-nun restaylinq olunmuş versiyası 2018-ci ildə Nyu-Yorkdakı fond birjasında təqdim ediləcək, sonra isə hər iki avtomobili Hudvuddakı sürət festivalına gətirəcəklər. Təkmilləşdirilmiş sportkarlar yeni bamperlər, radiator barmaqlığı alıblar. İtalyanlar radiator barmaqlığını konsept Alfieri-də olan barmaqlığa bənzədiblər.

Aston Martin şirkəti ilk dəfə Mercedes-AMG mühərriki olan modelini təqdim edib. Bu, superkar DB11-dir. O, 4-litrlik biturbo səkkizlik alıb ki, bu da bir çox Mercedes-lərdə, xüsusən də superkar Mercedes-AMG GT və yolsuzluq avtomobili G500-də quraşdırılır və modeldən asılı olaraq 422-dən 612 a.g.-ə dək gücə malikdir.

Jaguar şirkəti ən güclü modelini təqdim edib – sedan XE-nin trek variantı. Bu, SV Project 8-dir. Avtomobil 600-güclü mühərrik və karbon ban paneli alıb. Yenilik Jaguar Land Rover alyansının atelyesində - Special Vehicle Operations (SVO) yığılıb.

BMW şirkəti gələcək nəsil krossover X3-ün sirrini açıb. Modelin interyeri və eksteryeri dəyişib, burada yeni opsiyalar, o cümlədən displey peyda olub. Model, həmçinin M40i variantı alıb.

McLaren şirkəti Sport Series sırasına damı açılan superkar 570S əlavə edib. O, Spider adı alıb. Avtomobil iyun ayında Hudvudda keçiriləcək sürət festivalında təqdim olunacaq.

Jaguar şirkəti ikinci nəsil XF modelinin universal banda yeni modifikasiyasını təqdim edib. Beşqapılının təqdimatı Britaniyada keçiriləcək. Bu barədə şirkətin mətbuat xidmətindən məlumat verilib.

Lexus şirkəti təkmilləşdirilmiş CT 200h modelini təqdim etdi. Hibrid hetçbək son restaylinqə məruz qalıb – 2018-2019-cu illərdə beşqapılını başqa model əvəz edəcək. Təkmilləşdirilmiş Lexus СT 200h tezliklə ABŞ, Çin və Avropa bazarlarına çıxacaq. Bu barədə Yaponiya brendinin mətbuat xidməti məlumat verib.

Audi şirkəti ikinci nəsil rodster R8-in ən güclü versiyasını hazırlayır. Avtomobilin adına Plus sözü əlavə edilib və Avropada yayda satışa çıxarılacaq. Bu barədə brendin mətbuat xidməti məlumat verib. Yeni rodster Audi-nin tarixində ən sürətli kabriolet olub.

Kia şirkəti yeni krossover Stonic təqdim edib. Qabaq ötürücülü kompakt model Avropa bazarı üçün nəzərdə tutulub və o, 2017-ci ilin 3-cü rübündə satışa çıxarılacaq.

BMW şirkəti 6-cı seriyanın yeni nümayəndəsini – böyük hetçbək Gran Turismo-nu rəsmi olaraq təqdim edib. Alman avtomobil istehsalçısının model sırasında yenilik elə Gran Turismo adlanan 5-ci seriya hetçbəki əvəz edəcək.