Çinin Geely şirkətinə məxsus olan yeni Lynk & Co. markası 03 indeksi altında yeni konseptual sedan təqdim edib. Müasir Volvo mühərrikləri əsasında yığılan avtomobil Şanxayde keçiriləcək motorşouda debüt edəcək.
Sedanın xarici görünüşü Geely-nin baş stilisti Piter Horberi tərəfindən hazırlanıb. O, bir neçə il əvvəl Volvo-nun şef dizayneri olub. Yenilik Geely ilə Volvo-nun birgə səyləri nəticəsində hazırlanmış CMA modul platformasında yığılıb. Gələcəkdə bu şassi kompakt krossover XC40, hetçbek V40, həmçinin 40-cı seriyanın digər avtomobillərində, o cümlədən sedan və universalda peyda olacaq.
Lynk & Co.-nun seriyalı variantı 1,5-litrlik turbolaşdırılmış, 180 a.g.-ə malik mühərriklə və 7-pilləli robotlaşdırılmış sürət qutusu ilə təchiz ediləcək. Bundan əlavə, model hibrid güc qurğusu da almalıdır. O, 3-silindrli, 240-güclü 2,0-litrlik mühərrik olacaq.
Lynk & Co şirkəti avtomobillərini onlayn satmağı planlaşdırır. Komplektasiya isə bir cür olacaq.
